湘聚小廚

Open Now

Now Closed

咁啱同同事係西環做完嘢，就提議係附近食埋晚飯。見到有間叫做湘聚小廚好似幾有特色，平時都有食開四川菜/辣野，但係湖南湘菜就真係未食過。店舖裝潢幾有中國風感覺。小食係炸碗豆，平時通常都係見到花生，炸碗豆真係好少見：）碗豆炸過之後好香脆，好好食。我地2個人點左巴蜀水煮魚，干鍋田雞，韭菜花爆腰花同蟲草花雞湯。魚肉幾滑溜，又麻又香，不過要小心唔好食到魚骨。湘菜既辣同四川菜真係有分別，個人覺得湘菜比較油，味道更加濃郁，麻度同辣度的後勁更加強。干鍋田雞份量都幾多，而且田雞件肉都幾多，醬汁非常惹味完全滲透入田雞裏面，所以辣度好勁！要注意湯底會越煮越辣，所以要快啲食。韭菜花炒腰花，腰花切成幼條狀，爆炒之後好香幾好食。蟲草花雞湯味道濃郁，感覺好足料，不過可能因為係湘菜關係，所以做法上偏油。