貴緣小鍋米線 (崇潔街) (Closed)

平時成日食老譚，食得多想轉下口味，係紅磡搵到呢間貴緣小鍋米線，呢間舖位於紅磡著名餐廳加太賀附近，係食街唯一米線舖，lunch時間好多外賣車手等單，堂食有時要等一等位。呢間米線主打麻辣酸辣湯底，最近仲新增左蕃茄湯底，因為我唔太鍾意酸，所以湯底揀左麻辣，麻辣湯底米線31蚊，每加一款配料再加錢，我見豬軟骨同墨魚丸是店舖推介就揀了這兩個餸，豬軟骨加10蚊，墨魚太8蚊，成碗就是49蚊。味道方面，豬軟骨夠晒火喉入味，豬軟骨都幾大塊，還連著幾多肉，軟骨同肉都煮透了，很淋，不鞋，連軟骨都入味，充滿滷水香，這個餸十分推薦，另外墨魚丸有啲咬口不太淋，味道亦不錯，但係只有兩粒少了一點，湯底本身就有加炸醬，味道夠濃，加上獨特麻辣香味，整個湯底麻辣咸都很平衡，味道好。