川婆婆 (寶勒巷) (Closed)

喺香港火鍋店比比皆是，要嚴選一間正宗四川又麻又辣的火鍋店，真係唔簡單。位於尖沙咀寶勒巷既川婆婆最近推出左火鍋放題+烤肉，一於同屋企人過去試下先🌶湯底方面揀咗鴛鴦鍋，一次過試哂佢地既招牌麻辣鍋同養生雞湯，先講麻辣湯底，呢個湯第一啖食落去係首先感受到辣，然後再食第二、三舊餸嗰時就開始感受到佢嘅後勁，就係佢既麻，辣中帶麻帶香，係有層次既辣。養生菇菌雞湯清甜，配蔬菜一流😁串串香四川人氣名物串串香，而川婆婆提供既串串香有成超過80款，連無骨鳳爪都有，一次過落多幾串，索哂麻辣湯汁，極惹味。牛肚每一塊都大大塊，大約煮15秒就可以上碗，爽口彈牙，新鮮可口，每一塊都洗乾淨好清潔鴨血喺火鍋度煮完非常入味，等佢吸收哂個麻辣湯底先食，滑嘟嘟之餘又有麻香🌶蔬菜蔬菜既種類都幾多，今日就揀左蓮藕片、金菇同生菜，蓮藕新鮮爽脆，同麻辣湯底好夾