臥龍正宗成都麻辣火鍋 (Closed)

有一間食正宗成都麻辣火鍋嘅名店，店名非常有霸氣，叫臥龍佢嘅食物同佢嘅店名一樣都咁有實力，所以就衍生咗佢嘅霸氣。昨晚我哋就去咗呢間餐館食晚飯，我哋點咗一個鴛鴦鍋湯底$148。一個本地手切黃牛頸脊，(細)$188，係一個高質素嘅食材，手工切得很幼細，薄薄的，光澤立立令，紋理清澈，肉質爽脆，甜美非常，牛肉味香濃無比。一個西班牙黑毛豬肉，頂級素材，肉味非一般可以媲美，肥瘦分配均勻，香味濃郁，質感非常爽滑，肉汁夠豐盛。一個手工四寶丸，有四種味道，令你嘅味覺有不同享受，製作細膩，粒粒彈牙爽口，汁液跟層次都保留著滿滿的，大廚實力真係功不可沒。韭菜豬肉餃，皮身夠薄，滑溜溜的，豬肉粒跟韭菜粒切得夠幼細，味道調校得恰到好處。手打嘅潮州魚蛋，魚味鮮甜彈牙，煙煙靭靭，魚汁香濃無比，軟滑非常。炸魚片頭一樣咁出眾，正宗潮州師傅嘅製作，絕不馬虎。仲有佢個萵筍，香味清新怡人，質感爽甜脆口，跟肉類相輔相成，令你有不同嘅 味覺享受。有一個成都薯粉，都好有特色，每條都晶瑩通透，粉質夠爽滑，放上濃味鍋湯浸食，又係另一種享受。