掌門重慶麻辣火鍋 (Closed)

見到大家講綠火鍋咁吸引，當然都要黎挑戰下佢既辣度啦！好在朋友們都係同我一樣無火鍋不歡😂！雖然話湯底係綠色，但唔係因為佢加左色素，而係用上大量綠色植物、香菜去令湯底睇係黎係綠色，但同時十分之香！湯底唔似平時食開重慶或四川個種咁多辣油，反而係不油不膩，仲要重點係唔攻鼻，唔會要狂打乞嚏咁食一餐飯。丸類都係人手打，呢點值得加分。最中意佢個墨魚丸，夠爽口牛肉叫左細既份量，同樣新鮮，牛味好重相對上餃子較少，但皮薄餡靚午餐肉係每次邊爐必點😂，炸埋夠香脆，點少少湯食一流擺碟都好用心，排返一條魚既形態出黎😂食食下發現原來鍋底仲有豬紅！索晒啲香辣味道，食唔停口雞腸咁冷門既都有得叫