新香園

Open Now

Now Closed

一向都係去舊店，雖然我對蛋牛治印象一般，另一半卻幾喜歡佢地嘅豬手麵。去年底原本想食馬拉野，但人多到不得了，只好轉移到新香園，呢次係我地第一次黎新店。裝潢企理，闊落得多，初始印象良好。餐牌大同小異，三文治、粉麵、飯等麻辣蛋牛治 $23/烘底、凍檸茶 $16蛋治即點即製，賣相比起桂林街嘅吸引啲，起碼眼見多左啲麻辣汁加持，蛋治唔會又乾又老。麵包烘至硬脆，鮮牛肉以麻辣油炒，再加蛋煎，牛肉嘅部份做得唔錯，保留肉汁，略嫌雞蛋嘅存在感低左啲。麻辣油令蛋治更惹味，對於乜都鐘意有少少辣嘅人黎講係福音。豬手麵 $25腩汁牛丸麵 $24麵食價錢唔貴，而且夠大碗，豬手麵係另一半至愛。雙蛋餐肉一丁 $33純粹屎忽痕先會點餐蛋麵，一丁淋到不得了，而且湯底好淡，認真唔抵食。