正宗山西刀削麵店 (Closed)

出去玩咗一日好攰， 想搵啲好食又快又方便嘅嘢醫飽個肚快啲返屋企休息。我同老公一齊諗起呢間刀削麵。晚飯時間都幾多人 ，我哋喺門口排第6、7個，等咗15分鐘先入到去。我哋兩個都好鍾意食豬大腸， 老公食得辣，佢叫咗個麻辣豬大腸刀削麵， 50蚊包埋嘢飲， 真係好鬼抵。 佢個麻辣醬加咗蒜蓉 ，辣椒同蒜都非常香，如果食得辣真係好值得推介。我就叫咗一個豬大腸併溫泉蛋刀削麵 ，都係50蚊包嘢飲。 溫泉蛋有整整一隻 ，好好食。 我叫做杯熱奶茶 ，好好飲 、好香、好滑、茶味啱啱好。