德哥廚房

Open Now

Now Closed

今日lunch唔想出去同人逼， 決定買外賣返office 食, 醒起好耐冇食德哥廚房，就上網睇下佢有咩食。見到有個麻辣雞胸蒟蒻麵，我二話不說即刻落單叫咗。$42有得揀要黑蒟蒻麵定係蒟蒻粉絲。咁我自己鍾意有口感啲所以就揀咗黑蒟蒻麵粗粗地咁樣。訂咗12.15拎餐去到就有得拎，拎上手仲係熱辣辣應該啱啱整好。拎到返公司依然有煙。首先講吓個雞胸下面張圖係食咗一半份量都幾多，我諗應該都有130-150G。同埋煮得好滑一啲都唔鞋。我覺得好食過出面嗰啲即食雞胸好多。之後到個蒟蒻麵同想像中一樣，好粗好有口感。而且冇嗰種蒟蒻嘅臭味，比想像中好食。最後想講嗰個麻辣醬，唔係剩係得執有好多料頭喺入面，所以唔係得死辣真係有一種麻，同埋有啲嘢咬下個感覺好好。總括而言，作為一個平時中午食嘅飯，味道唔錯性價比都高。喺中環要食一個低碳嘅中午飯，已經好難或者好貴。呢一餐$42絕對對得住佢嘅價錢。下次可以試埋佢其他飯。