麻辣風雲 (荃碧大廈) (Closed)

Tonick恆仔主理嘅麻辣風雲出名好食，相信都街知巷聞，今次又再encore荃灣嘅麻辣風雲，發現原來佢哋午市係超抵食，$88已經可以一試佢哋嘅招牌酸菜魚，仲要連星期六日都有，啱晒想過吓口癮嘅大家😯😯😯 招牌酸菜魚客飯 （$88）炸饅頭四件 （$36）酸辣老醋海蜇 （$38）花冰蜂蜜綠茶（$18） 招牌酸菜魚雖然係一人份量，但都絕對好足料，魚食極都仲有咁🤣麻同辣度都可以自己選擇，我今次就帶咗中麻中辣，食落又香又麻，已經encore咗好多次都仲係咁好食🥰 午市嗌客飯仲可以加炸饅頭！當然上碟嘅時候就唔會咁Fancy，當然就冇㗎船仔啦，炸外脆內軟，好食🥖 酸辣老醋海蜇相對而言就有啲失色，同我想像中嘅有啲出入，所以除咗加入咗酸辣醬同老醋，仲有大量嘅蒜蓉，多到有啲蓋過咗本身嘅酸辣味，而我自己就唔係太鍾意呢個組合同風味喇🥲 題外話，當日用消費券俾錢仲有額外折扣，所哋佢哋午市真係好抵食‼️