麻辣Doi (Closed)

鱸魚有三款口味選擇，因為我哋唔想食太辣就揀左老壇酸菜。辣度揀左小辣，呢種辣度啱啱好，唔會辣到食唔到，而係越食越起勁！🤩魚先煎過，好香口。骨夠大條，食嘅時候唔會好多骨，啖啖肉，食得好暢快！😍加左$12配油麥菜同埋加$22配黑豚肉。油麥菜稍嫌分量不足，如果多番啲就好喇。黑豚肉份量較油麥菜多，厚薄適中，食落有口感。鱸魚本身已經有好多配菜：雲耳、豆卜、蓮藕片、豆芽、芹蒜、蔥、香菇和秀珍菇等。 豆卜吸收咗啲湯汁，一咬d汁就咇曬出黎，正！ 蓮藕片好爽脆。另外可以加錢嗌薯粉、米線或者飯。嗌左薯粉。薯粉份量超多！薯粉幼身，煙韌有口感。