人和月雞煲火鍋店 (Closed)

尖沙咀呢間火鍋店我bookmark咗好耐，放工終於都有時間同朋友一嚐～我哋就點咗$498嘅二人套餐，包麻辣龍躉魚、自選牛下肩、菜籃或豆品，同埋兩罐罐裝飲品～🤓龍躉肉質好新鮮嫩滑，辣度我哋揀咗中辣，但唔算好辣，味道又香又麻得嚟又唔會蓋過魚肉鮮味😉～本身裡面材料都好豐富，有豆干粉、薯仔、蓮藕等等。牛下肩牛味香濃，份量好多～菜籃有娃娃菜、油麥菜、粟米、番茄、雞髀菇～🤩食到咁上下，我地就叫其他火鍋配料，價錢合理，家鄉墨魚滑、蟹籽蝦滑都只係$38，仲非常之爽口彈牙，食得出粒粒墨魚粒～好高質，鮮桶蠔一碟4隻好巨型😍黃蜆粒粒漲卜卜，用麻辣湯煮一流～金紗魚腐亦好有驚喜，質感有趣又腍又煙韌，有啲糯米糍口感😁～萵荀太爽口我同朋友都大愛仲叫咗兩碟食🤣羊卷肉唔膻份量同樣好多好抵食～最後我點咗手拍青瓜中和一下油膩感，青瓜好爽脆清新～再點埋個必食嘅南國糍粑，煙煙韌韌淡淡黑糖味作結～超愉快嘅一個晚上💖