Video
Read full review
2005-04-23
8 views
早幾日諗住用午飯時間去剪草﹐但因為只係亂草一堆﹐剪完都仲有半個鐘﹐原本諗住無時間食飯變成要諗去邊度食。只有半小時左右﹐唯有速戰速決。附近選擇不多﹐又唔想去茶餐廳做煙肉﹐結果揀左呢間雲南桂林米線。入到去﹐基本上已經滿座﹐有幾張則只余下一d 半個身位的空間﹐而因為我身型都幾有份量﹐最初諗住等一陣﹐但幾位阿姐不斷催促我坐低﹐結果都係要夾硬坐半個位。當然﹐一坐低隔離的食客都有略為遷就一下﹐但係感覺到氣氛唔係幾好。淨米線$17﹐每加一樣配料要$4﹐揀左炸醬﹑腩肉﹑蘿蔔三歡配料共$29。而因為我唔係太喜歡酸菜﹐所以講明唔要酸辣要麻辣(中辣)。另加一杯豆漿$5﹐總共$34﹐其實﹐呢間米線係貴過景霖或譚仔的。等左約5分鐘﹐米線送到﹐我一睇﹐即刻叫住阿姐﹐因為我要的係麻辣但有酸菜. 阿姐話﹐麻辣一樣有酸菜。原來如此。我只係唔喜歡酸菜﹐但唔介意食﹐所以照食可也。先任一啖湯﹐好濃﹐先感到少許花椒味的麻辣﹐然後酸菜味就出黎。呢個湯濃得有少少過份﹐可能係因為呢碗本身就係酸辣米線﹐只係另加麻辣﹐再加上我要炸醬﹐所以就變得過濃。講麻辣湯底﹐我覺得都係景霖最好味﹐濃淡適中。因為景霖係根據你要求的麻辣度去煮湯底﹐而唔係
只係亂草一堆﹐剪完都仲有半個鐘﹐原
本諗住無時間食飯變成要諗去邊度食。
只有半小時左右﹐唯有速戰速決。附近
選擇不多﹐又唔想去茶餐廳做煙肉﹐
結果揀左呢間雲南桂林米線。
入到去﹐基本上已經滿座﹐有幾張則
只余下一d 半個身位的空間﹐而因為
我身型都幾有份量﹐最初諗住等一陣﹐
但幾位阿姐不斷催促我坐低﹐結果都
係要夾硬坐半個位。當然﹐一坐低隔離
的食客都有略為遷就一下﹐但係感覺到
氣氛唔係幾好。
淨米線$17﹐每加一樣配料要$4﹐揀左
炸醬﹑腩肉﹑蘿蔔三歡配料共$29。而
因為我唔係太喜歡酸菜﹐所以講明唔要
酸辣要麻辣(中辣)。另加一杯豆漿$5﹐
總共$34﹐其實﹐呢間米線係貴過景霖
或譚仔的。
等左約5分鐘﹐米線送到﹐我一睇﹐即
刻叫住阿姐﹐因為我要的係麻辣但有酸
菜. 阿姐話﹐麻辣一樣有酸菜。
原來如此。
我只係唔喜歡酸菜﹐但唔介意食﹐所以
照食可也。先任一啖湯﹐好濃﹐先感到
少許花椒味的麻辣﹐然後酸菜味就出黎。
呢個湯濃得有少少過份﹐可能係因為呢
碗本身就係酸辣米線﹐只係另加麻辣﹐
再加上我要炸醬﹐所以就變得過濃。講
麻辣湯底﹐我覺得都係景霖最好味﹐濃
淡適中。因為景霖係根據你要求的麻辣
度去煮湯底﹐而唔係用本身已經有強烈
個性的酸味的湯底去加麻辣。
本身米線的配料有韭菜芽菜酸菜及大量
芫西﹐都算足料。米線水準一般﹐唔算
好亦唔差﹐蘿蔔係清湯煮的﹐有三大塊﹐
唔算清甜但起碼無苦澀味亦無渣﹐亦可
以算合格。炸醬味道並無特別而且已經
被酸辣同麻辣味蓋過﹐所以其實在雲南
桂林選麻辣就應該避免選炸醬做配料。
腩肉就很失敗..味道其實幾好的﹐不過
切得太碎而且差唔多係全瘦肉。你有無
見過全瘦肉的豬腩肉呢﹖
中辣比想象中較溫和﹐我食完再諗返起
湯底味道其實係7分酸辣3分麻辣。呢度
的米線整體上都唔算差﹐足料又大碗..
但如果只係為左食麻辣米線﹐可以唔需
要考慮呢間。
Post