留白居酒屋 (Closed)

行過屯門既留白居酒屋，好有日本風味，今次決定試下！櫻花蝦油味真拉麵櫻花蝦好足料，而且味道濃郁，岩曬中意蝦既朋友。另外湯底係類似黑蒜油味，非常香～日式蜆配豬骨湯拉麵蜆肉夠多夠大粒，有蔥花吊味鮮味十足，加埋偏粗既拉麵同配料，食落好滿足。串燒係即叫即燒架，今次叫左豬頸肉﹑免治雞肉棒﹑一口牛同雞頸肉。各有各特色，個人中意免治雞肉棒，依落啖啖肉咬到雞軟骨，口感好豐富。而雞頸肉就真係第一次食，食落偏爽口，加埋燒汁既甜味幾香口。最後叫左杯波子汽水送串燒，真係童年回憶返曬來啊！