小魚兒 (富麗花園) (Closed)

之前已經同友人去過尖沙咀分店用餐，真係幾好味😋一試難忘！今次就同老公黎到寶琳分店，試試係咪同樣有水準😆小魚兒其實幾特別，除左有出名既烤魚外，仲有燒烤、小菜，同埋雞煲，樣樣睇落都吸引，不過因為老公未試過小魚兒既烤魚，所以今次都係點返烤魚。海鱸魚🐟 鮮九葉花椒BB豆花 $308 - 海爐魚上鋪滿蒜頭🧄、辣椒🌶️洋蔥🧅花椒，風味十足！青花椒令魚充滿麻香味，香味濃郁，加上海鱸魚肉質柔軟，味道鮮甜溫和，腥味不重，整鍋魚都美味非常！BB豆花真係好似bb仔咁嫩滑，寬粉口感煙煙韌韌好Q彈，兩樣都勁入味，好正！另外，我地仲點左$48炸竹枝、$36白蘿蔔片、$68炸午餐肉粒。湯底咁正，緊係要點容易索湯既野，一早放炸竹枝同白蘿蔔片入去滾，魚食到咁上下，兩樣已經索曬湯汁勁惹味，特別點讚白蘿蔔片吸收曬精華超入味。炸午餐肉粒一上枱熱辣辣，直接食又得，放落鍋到滾又係另一番滋味😋凍檸茶 $18西柚爆珠乳酸梳打 $36 - 濃濃既乳酸香，帶住微微既西柚味，碳酸飲品好清爽，加埋爆珠又好味又有口感，食完辣再飲番啖，真係好解渴，必點！小魚兒既食物份量都好多，海爐魚大大條，配料大大碟，兩個人食真係飽到上心口，性價比好高，而且環