池記 (Closed)

第一次嚟呢間，好耐之前食過銅鑼灣嗰間，最鍾意佢哋啲，所以經過呢間嚟試吓。去到發現原來無食！點咗兩個四十九蚊位既晚餐，一個粥餐同一個麵餐。叫咗艇仔粥配炸鯪魚球，牛腩河配蕃薯糖水，但又想試吓佢哋啲雲吞麵（因為講到好似好正咁），所以散叫咗一碗（廿三蚊）。牛腩河：啲河粉好腍，浸耐咗會索晒水發大雲吞麵：雲吞好細粒，無味同硬！麵係啲好普通既貨色，無麵味，唔好食。同一個價錢，麥奀記好食好多炸鯪魚球：啲魚肉都有味，亦夠彈牙，面頭啲炸粉粉定粉絲碎黏埋上去都好夠脆，但好咸，仲有碟類似硯芥鯪魚球既嘢俾你點，但超級無敵咸，本身舊鯪魚球已經好咸，真係點唔落！艇仔粥：算好食，料都算足，係其中一樣可接受既食物蕃薯糖水：係最後一樣有水準既食物（都算意外！）夠薑味，蕃薯夠腍同粉。仲有啲伙計喺你點咗菜之後就唔會再幫你加茶。埋單應該係１２１，但俾咗個九折，所以只係１０９。不過如果無九折都幾貴；最重要係唔好食，無下次！