允升甜品

Open Now

Now Closed

有一排冇嚟長洲，見到又多咗啲新餐廳同cafe，本來想試下，但朋友帶路，話買芒果糯米糍一定要嚟呢度，所以最後我哋仲坐低食埋甜品。我係好抗拒餐廳用即棄餐具，因為唔環保，同埋感覺趕客，好有心理壓力係要快食快閃。朋友點咗楊枝甘露，我就食雪糕奶凍。兩款甜品都幾細碗，用膠兜裝住，我睇到都唔係好想食。雪糕奶凍的味道一般，雪糕係現成的，而奶凍就唔係太有牛奶味。喺呢度食甜品，可能係環境、食具的影響，係少咗平日果份雀躍，食完亦唔會感覺好滿足，只係有啲嘢放咗落肚咁。外賣咗半打芒果糯米糍。食的時候，我覺得糯米糍個皮真係好煙韌彈牙，好好食，不過啲芒果就唔甜，可能而家唔係當造（？），食落仲有少少酸添。下次有機會再嚟長洲，我會試下新開的餐廳、cafe，可能反而仲有驚喜。