新森林焗之專門店 (英皇道) (Closed)

星期六想搵個地方食下午茶，見間嘢幾靜，咪入左去，點知就笑住入，嬲住走。成餐飯，有個侍應不斷喺身邊巡邏，成日想收左我地個碟，好似好想我地快啲食完走唔好講笑，明明未食完，只係同對面個朋友吹下水姐，個侍應都可以無端端伸隻手黎，一路收，一路問：「食完啦？」到我同朋友好驚訝咁望住佢時，佢先識停手。大佬，我地食餐飯，都未坐夠一個鐘，做咩咁趕客，明明間店就坐唔滿。做生意唔係咁做。食物質素方面，就係正常的餐廳水準，但係咁樣的服務態度，真係食龍肉都無味。