炳記牛牛 (Closed)

上次想，但勁多學生,冇位！今次專登試下，唉...同太太倆個人，叫個牛柳粒燴意粉加凍奶茶、茶餐凍奶茶。凍奶茶先到，睇樣好似幾好，但飲落得個甜字，完全冇茶味。唔係茶餐廳，忍耐！牛柳粒燴意粉，牛柳粒係日式照燒汁，燴意粉係黑椒汁，撞埋一齊怪怪地。牛柳粒有韌，好彩味道都ok。意粉唔熱，份量亦少得可憐。茶餐包括熱狗或什菜沙律加扎肉米線，今次要熱狗，因為對什菜沙律冇乜信心，可惜結果熱狗都唔係太得。個包其實都ok，煙煙韌韌咁。但條腸係普通到痺o既雞肉腸，味道麻麻。配沙律醬，又係麻麻地。片蕃茄又細又薄到睇唔到...扎肉米線配火腿湯，扎肉一般，米線冇味，靠火腿(味精？)湯。地方坐得唔舒服，服務麻麻地，仲要收加一服務費！？p.s. 可能焗飯先係佢o既強項，但冇理由其餘野差成咁嘛？！深水步有太多選擇！好難再啦！