Video
Read full review
2009-04-26
11 views
有生以黎第一次寫食評,但並唔係要推介呢間餐廳!尋日同班舊同學去呢間餐廳食飯同敍舊!咁去到當然就即刻行一個圈睇下有咩食先啦,咁同個舊同學行咗一圈,大家竟然係二口同聲咁講咗一句"咁少野食既!?"唯一多既選擇係沙律,啲沙律都唔差的,所以我都攞左兩次!以我唔太成日食沙律黎講,我覺得沙律係ok的!咁去到要主菜喇!!咁之前上網見話有咩天婦羅呀,粉絲蒸帶子呀,燒豬肋骨呀,一樣都唔見...我地都唔係好遲黎呀,都成六點半就到啦,點解會冇野食!?咁無計啦,都要照搵野野食,咁揀黎揀去都係得幾樣,真係好難揀,都唔似食緊buffet其間我就去咗叫個師傳整班戟啦,班戟都多多地人排的,咁要等一陣先有得攞,所以我諗住去攞啲牛肉食住先,但當時牛肉檔係冇師傳的,咁我唯有過一陣再黎,過咗陣黎到都仲係冇師傳,咁我就企咗係到等,等咗唔係好耐,個整班戟個師傳可能已經整好晒啲班戟又得閒啲,佢見我企係肉檔,就過黎幫我切牛肉,當時我真係諗"咁大間野真係得你一個師傳咋"!?啲食物水準普通啦,但係啲檔口係成日都冇師傳的,我個舊同學諗住去渌個拉麵食,佢係出咗去三次先見到有師傳的,我仲講笑咁問佢,唔係又係整班戟個師傳呀,好彩佢話唔係!咁甜品方
尋日同班舊同學去呢間餐廳食飯同敍舊!
咁去到當然就即刻行一個圈睇下有咩食先啦,
咁同個舊同學行咗一圈,大家竟然係二口同聲咁講咗一句"咁少野食既!?"
唯一多既選擇係沙律,啲沙律都唔差的,所以我都攞左兩次!
以我唔太成日食沙律黎講,我覺得沙律係ok的!
咁去到要主菜喇!!
咁之前上網見話有咩天婦羅呀,粉絲蒸帶子呀,燒豬肋骨呀,一樣都唔見...
我地都唔係好遲黎呀,都成六點半就到啦,點解會冇野食!?
咁無計啦,都要照搵野野食,咁揀黎揀去都係得幾樣,真係好難揀,都唔似食緊buffet
其間我就去咗叫個師傳整班戟啦,班戟都多多地人排的,咁要等一陣先有得攞,所以我諗住去攞啲牛肉食住先,但當時牛肉檔係冇師傳的,咁我唯有過一陣再黎,過咗陣黎到都仲係冇師傳,咁我就企咗係到等,等咗唔係好耐,個整班戟個師傳可能已經整好晒啲班戟又得閒啲,佢見我企係肉檔,就過黎幫我切牛肉,當時我真係諗"咁大間野真係得你一個師傳咋"!?
啲食物水準普通啦,但係啲檔口係成日都冇師傳的,我個舊同學諗住去渌個拉麵食,佢係出咗去三次先見到有師傳的,我仲講笑咁問佢,唔係又係整班戟個師傳呀,好彩佢話唔係!
咁甜品方面都可以,賣相同味道都可以!!
就呢間野整體而言,食物水準唔算話差,
但食物選擇不多,服務人員人數太少!
呢間野冇咩吸引既地方,我諗我唔會再黎,因為如果要2百幾3百蚊位我覺得會有其他更好的選擇...以我食過既buffet黎計(雖然唔係好多),暫時我都係覺得黃金海岸比較好!!
Post