Riso SEGRETO (Closed)

黎未黎過既領展商場諗住你食個晏行下啦，睇個名同張相以為係啲咩高級餐廳🙄，上到黎裝修有啲落伍，估唔到一個設計新嘅商場有啲咁嘅餐廳。唔緊要嘅好食就得，咁你見到個餐牌午餐有10個左右，本身個Menu啲嘢都唔係貴五六十蚊一碟，但乜都唔包，餐湯前菜飲品全部要加錢。咁咪加個前菜芝士蒜蓉包，蒜蓉包薄薄地用包皮位整，真係成件都脆，好多芝士不過冇拉絲係好味嘅。揀咗個椰香忌廉海鮮意粉，幾好味喎估唔到椰香真香，嗰個意粉太冧呢，海鮮都唔多似普通一包急凍食材咁。我叫咗個魚柳蘑菇意大利飯，啲飯真係呢，煮嗰陣有啲粘底，搞到啲飯一舊硬有一舊軟咁好似睇彩數咁😑味就ok既，魚都幾厚肉但賣相就麻麻地啦。啲菇煮得太耐好林無左佢本身爽脆既口感。食評話佢個蜜桃茶好飲所以就叫左。係幾好味，不過會唔會細杯咗啲，凍飲都係熱飲玻璃杯咁細。其實呢個鋪位可以做得好啲裝修靚啲。嘢食都有進步嘅空間，味道本身係冇問題嘅，係樣樣食材質感差左啲。