茶理史 (Closed)

旺角商場新開咗老虎堂，倖存者口痕想飲杯珍珠奶茶，點知老虎堂排到不見天日，反而佢對面號茶理史空無一人。一心趕時間嘅倖存者退而求其次，一戰茶理史！見佢新出咗玫瑰白玉奶茶，粉紅色嘅poster成功虜走倖存者嘅心，加試玫紅味奶茶又唔係常見，點可以唔試！玫瑰白雲珍珠奶茶 $30飲落去陣玫瑰味似香薰，唔知倖存者飲唔慣定點，覺得陣味有啲假。珍珠除咗白色無咩特別，口感偏硬，就算叫咗微糖都仲係好甜，如果叫正常糖份會幾甜？