Isaak's

Open Now

Now Closed

朋友約食飯，揀咗中間位佐敦，又係熱門韓國菜。7點半去到，full晒要等位，10分鐘左右就到我地。款式數量同其他店差唔多，所以叫返基本菜式。首先上菜【芝士紫菜包飯】，內饀都足料，味道不過不失。然後有【雞蛋捲】，中間的芝士都算牽絲，蛋身比較紮實有口感。再黎有【年糕鍋】，圖中係2人份量，即食面另上，自己調校煮面的時間。依個實在太辣，平時食開小辣的我頂唔順。店舖入面有水機自助斟水，我地加咗3杯水整淡d湯。整體份量都算多，年糕煙韌，魚糕彈牙，唔錯。最後仲有【半半炸雞】，忙住食野唔記得影相。件數比出面的多三分一左右，但size較細。味道唔得，炸得太耐，好乾身好鞋。炸雞應該係韓國菜賣點，依間店整得唔ok，大失所望。總結，價錢同係tst食的差唔多，但質素低一半，無下次。