九重鮮 (Closed)

尋晚去黃埔食海鮮放題，有三個價錢選擇，因為我哋主要想食蜆仔，所以揀了$208（梨花塔套餐）蝦/蜆放題。另加$38酒類任飲。蝦/蜆有個膠兜比你出去任拎，共有4款蜆(沙白、白蜆、沙蜆及番薯蜆）我每款也有試，全部都非常鮮甜，同埋洗得好乾淨，完全無沙，抵讚。蝦都好新鮮，可惜我呢排皮膚敏感，所以只係食好少。5分鐘食得。任食時段為2小時，而每款食物也是蒸5分鐘，有個漏斗比你計時去蒸食物，所以足夠時間食到飽，亦唔會蒸過龍。放題類有任剔熟食，有串燒，天婦羅等。。。而且味道唔錯。出面有自助沙律吧，同豆花，另飲品酒類加錢任飲，我覺得如果喜愛食蜆的話，呢間絕對要試。