久兵衛外賣壽司店 (Closed)

喺黃埔見地鐵站附近新開左間外賣嘅壽司店！熱熱地勁想食個魚生丼飯，加上回家路程唔遠，簡直啱哂我同媽咪一齊開心share！餐牌主打魚生飯～選擇同配搭都好多，雪櫃嘅魚生一目了然，相當新鮮！價錢仲好親民！🐟日本新鮮本鮪丼 $168特選拖羅5大切、碎拖羅同三文魚籽，滿滿嘅三文魚籽同拖羅相堂吸晴！拖羅大切超新鮮，大大片厚切油脂甘香，軟綿細滑嘅拖羅蓉帶點油香，口感細膩而且冇根！配埋三文魚籽卜卜脆，飯量仲好足！推介！🦀軟殼蟹卷 $55頂層放左七彩芝蔴嘅軟殼蟹卷，賣相好靚！內裡滿滿軟殼蟹肉，軟殼蟹炸至薄脆，蟹肉鮮甜蟹膏濃厚！配埋青瓜絲，食落口感好豐富！🍖吉列豬扒卷 $50 頂層放左七彩脆米嘅吉列豬扒卷，外層有粒粒脆米，中間有軟綿嘅飯同紫，內裡有炸到甘香酥脆嘅豬扒，飯同豬扒比例均勻，拎到返屋企食都唔會太乾身！ 🍢辣油豆腐 $28  炸到無敵甘香嘅豆腐，外皮鬆脆，內裡軟嫩！配埋辣醬一齊食更好味！久兵衛外賣壽司店 地址 📍:紅磡德民街36-60號5N地舖