豚道樂 (百合苑商場) (Closed)

午餐想食好啲，就諗起食日本拉麵。呢間位於黃埔的小店雖然座位不多，不過經常都見到食客多多，值得一試。今日先試咗最經典的原味豚骨拉麵。好多從日本來港的拉麵店，湯底都偏鹹，而呢間拉麵店的湯底則遷就咗港人口味，湯底較為溫和，又能品嚐出經時間熬出的白白豚骨湯。配料有2-3叉燒、蔥花、木耳等，叉燒味道平平。另加$15可以有埋升級配料：豬腩肉、紫菜、溏心蛋，食落會更豐富。