Video
Read full review
2018-01-11
109 views
黃埔新開嘅九號水產係一個海鮮集中地有食肆同唔少得意影相位，仲有海鮮賣𠻹不過自己煮就免喇 😂今次嚟係一嚐攞過米芝蓮推介嘅翔太壽司 omakase第一件壽司係【白蝦壽司】蝦嚟講通常常見都係牡丹蝦同甜蝦而白蝦就罕見得多，食材上都有啲驚喜～白蝦蝦肉晶瑩剔透，好鮮甜【針魚壽司】銀光閃閃，肉質彈牙【深海池魚壽司】繼續係爽身嘅魚不過味道就更為甜美【梭子魚壽司】比師傅炙一炙可以引出魚油魚肉細緻得嚟又好有魚香【帶子壽司】本身好肥美經師傅調味後，多咗幾分菊嘅清香【海膽壽司】顏色橙黃，應該係馬糞海膽味道非常濃郁又 creamy【剝皮魚壽司】因為本身剝皮魚係淡味嘅魚所以之前食過剝皮魚刺身係佐酸汁而做成壽司就以魚肝嚟增加層次【毛蟹壽司】潔白嘅蟹肉同壽司飯好似溶為一體咁～加埋面頭嘅海膽，賣相好吸引【拖羅壽司】完全係入口即溶！我食嘅 omakase set 係【櫻】10 貫壽司後以【拖羅手卷】作結除咗壽司同手卷，仲有前菜、熱盤、清湯、蒸蛋同甜品清湯係【立魚清湯】，都幾足料同清甜我鍾意呢種湯多過鯛魚嗰種濃稠嘅湯～甜品係【靜岡蜜瓜同蕨餅】蜜瓜又甜又多汁，令人好回味！
有食肆同唔少得意影相位，仲有海鮮賣𠻹
不過自己煮就免喇 😂
今次嚟係一嚐攞過米芝蓮推介嘅翔太壽司 omakase
第一件壽司係【白蝦壽司】
蝦嚟講通常常見都係牡丹蝦同甜蝦
而白蝦就罕見得多，食材上都有啲驚喜～
白蝦蝦肉晶瑩剔透，好鮮甜
【針魚壽司】銀光閃閃，肉質彈牙
【深海池魚壽司】繼續係爽身嘅魚
不過味道就更為甜美
【梭子魚壽司】比師傅炙一炙可以引出魚油魚肉細緻得嚟又好有魚香
【帶子壽司】本身好肥美
經師傅調味後，多咗幾分菊嘅清香
【海膽壽司】顏色橙黃，應該係馬糞海膽
味道非常濃郁又 creamy
【剝皮魚壽司】
因為本身剝皮魚係淡味嘅魚
所以之前食過剝皮魚刺身係佐酸汁
而做成壽司就以魚肝嚟增加層次
【毛蟹壽司】
潔白嘅蟹肉同壽司飯好似溶為一體咁～
加埋面頭嘅海膽，賣相好吸引
【拖羅壽司】完全係入口即溶！
我食嘅 omakase set 係【櫻】
10 貫壽司後以【拖羅手卷】作結
除咗壽司同手卷，仲有前菜、熱盤、清湯、蒸蛋同甜品
清湯係【立魚清湯】，都幾足料同清甜
我鍾意呢種湯多過鯛魚嗰種濃稠嘅湯～
甜品係【靜岡蜜瓜同蕨餅】蜜瓜又甜又多汁，令人好回味！
Post
