Boring?! (黃埔天地美食坊) (Closed)

今次同同事去食午餐，因為本身想去嗰間餐廳full左，所以同事就推薦呢間西餐，一試之後發現有驚喜~🔎香煎盲鰽魚拼帆立貝意大利飯（$88）意大利飯煮得都算乾身，唔會水汪汪，配上煎得香脆的盲鰽魚同帆立貝，味道唔會太鹹。🔎自家製和牛竹炭漢堡（$96）漢堡唔會太硬同乾，有肉汁，整體味道都幾夾同好食。🔎炭燒美國豬鞍扒配薯菜（$118）豬鞍扒整體都算有肉汁，唔會乾爭爭，但略嫌失望既係唔係配薯條，而係薯仔粒，個人比較喜歡薯條。以上套餐奉送是日餐湯同餐飲。是日餐湯係南瓜湯，而餐飲可以揀是日水果茶、咖啡或茶。㊙️另收加一服務費