Video
Read full review
2023-04-10
105 views
黃埔有間專食葡國菜嘅餐廳，叫做誠意，裝修藍綠色好有異國風情，一入到去廚房係開放式廚房，廚師煮餸都一目了然非常乾淨，服務又好，有個自助沙律吧，叫套餐係可以任食！今次晚市叫咗個二人套餐都係$538超級抵食，五個頭盤兩個主菜，兩杯嘢飲再加沙律吧任食真係食到回本😆🍴傳統葡國經典菜式套餐 $538 兩位 另收加一🥗自助沙律吧 (8/10)有山菜，沙律菜，蕃茄青瓜，水果沙律，紅菜頭，仲有麻醬螺絲粉，有幾種醬汁俾大家揀，就揀咗黑醋，沙律好新鮮爽口，好食！🦞干邑龍蝦湯SHOOTER配帶子忌廉泡泡 2杯 (9/10)帶子泡沫打得好細滑，但係帶子味就可能比較淡，龍蝦味好香濃，真係非常濃郁，好鹹鮮，食得出係龍蝦去煲，質感比較稀，但好好飲。🥖蒜蓉法包2件 (8/10)法包都好香脆，蒜蓉味都好香濃，唔鹹唔油膩！🦐香草蕃茄橄欖油炒海蝦球 (7.5/10)用咗青椒洋蔥蕃茄去炒蝦肉同埋蜆，味道酸酸哋，調味比較淡好開胃，蝦肉爽口，蜆肉都冇沙。🦪砵酒爐燒兵庫肥蠔2隻 (9/10)蠔好肥美好大粒，好味好香濃，一啲都唔醒，酒味都係好香嘅，都係屬於比較清淡路線嗰種🍴葡國蜜汁黑椒燒風鱔2件 (10/10)皮焗到好香脆，食落好脆好
🍴傳統葡國經典菜式套餐 $538 兩位 另收加一
🥗自助沙律吧 (8/10)
有山菜，沙律菜，蕃茄青瓜，水果沙律，紅菜頭，仲有麻醬螺絲粉，有幾種醬汁俾大家揀，就揀咗黑醋，沙律好新鮮爽口，好食！
🦞干邑龍蝦湯SHOOTER配帶子忌廉泡泡 2杯 (9/10)
帶子泡沫打得好細滑，但係帶子味就可能比較淡，龍蝦味好香濃，真係非常濃郁，好鹹鮮，食得出係龍蝦去煲，質感比較稀，但好好飲。
🥖蒜蓉法包2件 (8/10)
法包都好香脆，蒜蓉味都好香濃，唔鹹唔油膩！
🦐香草蕃茄橄欖油炒海蝦球 (7.5/10)
用咗青椒洋蔥蕃茄去炒蝦肉同埋蜆，味道酸酸哋，調味比較淡好開胃，蝦肉爽口，蜆肉都冇沙。
🦪砵酒爐燒兵庫肥蠔2隻 (9/10)
蠔好肥美好大粒，好味好香濃，一啲都唔醒，酒味都係好香嘅，都係屬於比較清淡路線嗰種
🍴葡國蜜汁黑椒燒風鱔2件 (10/10)
皮焗到好香脆，食落好脆好香有油脂味道，鱔肉好嫩滑彈牙，好濃魚味好新鮮，味道係甜甜地好好食！
🍴板煎海鱸柳牛肝菌醬葡國燉飯 (7.8/10)
意大利頓飯返粒粒粒分明，口感比較腍，濕度剛好，有淡淡牛肝菌嘅香味，都幾Creamy，個魚煎得幾嫩滑。
🍴葡國烤乳豬 (8/10)
乳豬烤得好香脆，有好香嘅油脂，個肉好嫩滑，有肉汁，陪咗個酸酸地嘅執好開胃，仲有菠蘿可以解膩。
🍹雜果紅茶 (7/10)
有微微水果嘅香甜，唔會好澀好濃郁，啱啱好。
推薦指數: 8.8/10
無論係午市晚都有套餐，份量足又抵食，真心食物好高質，坐得舒服，服務好好，店員都好細心會成日加水換碟收碟。
Post
