Video
Read full review
2021-12-06
161 views
之前我去利東街食Burgerism嘅時候就對呢個餐廳集團有幾好嘅印象，唔單止環境，食物質素真係唔錯！今次就嚟到Fabrik集團另一間位於黃埔海明軒嘅餐廳，除咗有無敵大海景之外，仲有專門一個遊戲區俾小朋友玩，真係啱晒啲家長帶小朋友去放電！而今次知道餐廳同本地蒸餾氈酒品牌 N.I.P. 無名氏合作推出 1 個月既期間限定，推出全新超打卡秋冬雞尾酒系列，供應日期由即日起至12 月 18 日！所以大家有興趣一定要快啲去啦！🍸Butterfly Dream一嚟到見到隻杯，就忍唔住想拎起佢扮Chill咁影張相🤣🤣終於明點解係叫超打卡雞尾酒系列，粉紫藍色嘅雞尾酒配上簡約優雅嘅薰衣草裝飾，味道帶有少少蜜桃同青檸味，真係好易入口！🍹Gin Fizz呢杯就相對清新啲，雖然外表見到有一寸青瓜，但飲落去其實有少少柑橘🍊味！🥘Blue Mussel Pot HK$228今次揀咗傳統白酒忌廉汁，青口好鮮甜又大隻，而且仲好Creamy，薯條仲係我最鍾意嘅超幼薯條添，食落口勁脆卜卜！🍗Fried Chicken Wings HK$88今次味道揀咗Buffalo，由於醬汁都係自家調製，所以一食都食得出醬汁特別唔同！一般
而今次知道餐廳同本地蒸餾氈酒品牌 N.I.P. 無名氏合作推出 1 個月既期間限定，推出全新超打卡秋冬雞尾酒系列，供應日期由即日起至12 月 18 日！所以大家有興趣一定要快啲去啦！
🍸Butterfly Dream
一嚟到見到隻杯，就忍唔住想拎起佢扮Chill咁影張相🤣🤣終於明點解係叫超打卡雞尾酒系列，粉紫藍色嘅雞尾酒配上簡約優雅嘅薰衣草裝飾，味道帶有少少蜜桃同青檸味，真係好易入口！
🍹Gin Fizz
呢杯就相對清新啲，雖然外表見到有一寸青瓜，但飲落去其實有少少柑橘🍊味！
🥘Blue Mussel Pot HK$228
今次揀咗傳統白酒忌廉汁，青口好鮮甜又大隻，而且仲好Creamy，薯條仲係我最鍾意嘅超幼薯條添，食落口勁脆卜卜！
🍗Fried Chicken Wings HK$88
今次味道揀咗Buffalo，由於醬汁都係自家調製，所以一食都食得出醬汁特別唔同！一般外面食嘅水牛城雞翼醬都係比較杰身同偏酸味，有時會因為醬汁嘅厚度而令到炸雞翼冇咁脆！但係呢度嘅雞翼完全無呢個問題！
🌽Corn Ribs HK$78
整碟燒粟米整到好似法國菜咁真係好犀利😂😂粟米燒得好香口，配上白酒忌廉汁又真係幾得意，仲要幾岩我胃口！
🍝Linguine with Panfried Scallops and Spicy Lobster Sauce HK$168
見到好多青口同帶子真係好正，意粉帶龍蝦汁，而且唔會酸，所以覺得好好味！
Post
