鮨竜 (Closed)

今日遠赴黃埔一間omakase－鮨竜。餐廳omakase套餐一共有五款，今次我哋試咗omakase竜，價錢係$680。- 茶碗蒸入面材料幾特別包括百合同蕨菜，水生植物既草能夠提升口感 ，蒸蛋味道清甜香滑。- 刺身四款北海道帆立貝肥美鮮甜，加左青袖子汁同海鹽多左一份清新感覺。深海池魚甘香細膩，中拖羅魚油豐富，而且無筋入口即化。個人認為最特別係笛鯛，笛鯛同肝醬味道好夾，鮮味亦大大提升。另外加上芽蔥同紫蘇花作點綴。芽蔥完全無草青味，至於紫蘇花味道比較強烈，兩者形成強烈對比。- 日式煮花螺花螺爽口彈牙，面頭有辣椒絲，同花螺一齊食更有風味。壽司一共有六款，包括障泥烏賊、右口魚、赤貝、海膽、花竹蝦同吞拿魚。- 障泥烏賊口感幾彈牙，而且有啲黏口，海苔能夠增加香味。- 鮫鰈魚 而家正正係右口魚當季，而鮫鰈魚係右口魚其中一種。魚油豐富，不過味道幾淡，魚上面嘅拖羅蓉味道比較濃烈。- 赤貝赤貝入口爽甜，肉身都幾厚😋- 海膽見到壽司上面咁多海膽實在太幸福！海膽呈鮮橙色，香甜濃郁，食落非常creamy😍- 花竹蝦肉質結實，味道都算鮮甜。我見師傅將壽司擺得咁出，以為佢放錯位，一問之下先知原來為咗賣相靚啲🤣- 吞拿