Boring?! (黃埔天地美食坊) (Closed)

得知《Boring？！》係黃埔天地美食坊開咗分店之後，一直都想搵時間去！前幾日終於都去咗潮聖了，呢度嘅環境比新都會廣場分店更 Grand 更大，而且食物選擇更多元化及精緻！我哋點咗一份二人Set Dinner 再加多一份BBQ煙燻水牛城雞翼！個Set Dinner 有湯、多士、前菜、主菜同飲品！都已經非常之豐富！個黑松露野菌蟹肉焗蟹蓋前菜真係超級正呀！食落蟹肉滿滿又夠Creamy 仲好香黑松露味，勁想食多一個！哈哈！而主菜我哋就點咗皮脆肉嫩嘅豬手及肉質好滑嘅鱸魚！飲品方面只係加$18仲可以轉做Mocktail, 所以我哋就點咗 Silence Moon 同 Sour Fruit, 前者甜甜哋後者帶微微酸，兩杯都好啱女仔飲的！大食妹嘅我哋仲追加多一份水牛城雞翼，味道惹味！正呀！我覺得呢度都幾啱慶祝生日或者週年紀念日的！🥰❤️