名代宇奈備長炭燒鰻魚飯專門店 (黃埔天地黃埔號) (Closed)

日式鰻魚專門店！黃埔Aeon有好多餐廳，因為燒鰻魚嘅香氣，我比呢間鰻魚專門店吸引咗。鰻魚質素果然冇令到我失望。平時我唔係特別愛好鰻魚，都覺得呢度啲菜式唔錯，不過定價稍高。鰻魚野菜天婦羅烏冬$72- 第一次食鰻魚天婦羅，粉漿薄脆，新鮮炸起，味道較比普通嘅蒲燒鰻魚淡。其他天婦羅配料都唔錯。鰻魚重$98 - 鰻魚份量幾大，油脂豐富，外層燒得微微香脆焦香，內層熱辣辣好軟熟，燒汁味濃，送飯一流！仲可以免費添飯！推介！+鰻魚肝湯及漬物$15- 鰻魚肝味甘，未食過嘅朋友仔可以試吓。不過我麻麻地呢種味道，所以下次未必再叫。