Olive ERA (Closed)

以前住荃灣時, Olive cafe係我同老婆晚餐指定飯堂之一, 除左因為Olive食物質素有保證之外, 價錢貼地亦係令我地經常去開餐嘅主要原因。😁Olive ERA呢間Olive group嘅餐廳位於黃大仙現崇山商場, 早前因為推出左期間限定$58下午茶任食安格斯牛扒而人氣急升, 不過由於實在太多人排隊, 所以我地都未有機會試到。今日同老婆加埋細佬約埋收工後去黃大仙探剛生完嘅表嫂, 趁機係Olive Era食返餐。😙我地三個7點左右到餐廳, 雖然而家已經冇$58任食, 不過客人都唔少, 大概7點半已經全店滿座。餐廳樓底好高, 有戶內同戶外兩個區域, 灰色牆身配以木製裝飾, 裝修設計幾有格調。☺除左Set dinner之外, menu亦有好多款菜式選擇, 我地點左一客龍蝦湯, 一客沙律, 老婆最愛嘅豬鞍同一碟海膽扁意粉, 另外以優惠價加配左焗蠔, 三個人share應該都好夠食。😄龍蝦濃湯 $48西湯老婆唔太熱衷, 我同細佬點左一客share, 呢款龍蝦湯鮮味濃郁, 中間仲有蝦肉, 味道唔錯。芝士煙肉焗蠔, 白汁菠菜焗蠔(兩隻) $48點Menu上主菜可以優惠價加配焗蠔, 我地每款點左兩