茶餐廳2.0 (Closed)

久聞黃大仙呢間分店可以欣賞到獅子山景色嘅茶餐廳，可惜今日門口位置滿座，唯有下次啦！黎到當然食埋野先走，叫咗1個set dinner，一個天使麵+$10就同set dinner一樣包餐湯同飲，紅湯白湯任揀，飲品水準OK。西西里茄蓉鮮蝦天使麵$88 - 天使麵熟度好好，香濃蕃茄蓉配上香料，同時食到蕃茄味同香草味，唔錯。西冷牛扒餐$128 - 係粗薯角呀！牛扒質素喺呢個價位有驚喜，牛味好濃。封煎嘅技術都OK，鎖得住肉汁亦唔會太過熟，好香燒牛扒味道。朱古力心太軟配雪糕$32 - 呢個價錢甜品舖都食唔到啦，呢度除咗平之外仲幾好味，朱古力味龍，雲呢拿雪糕軟滑。整體上比較我上次食嗰間分店，食物賣相、座位、服務都比較好。