炑八韓烤 (黃大仙中心南館)

Open Now

Now Closed

放咗工，屋企人約咗去黃大仙炑八食晚飯，地點幾方便，黃大仙站搭地鐵，一出閘，好快就到。由於訂咗位，唔使等。座位都幾寬敞； 椅子下邊有擺放隨身物品嘅空間。餐牌嘅選項都幾多，散叫又得，亦都有套餐，大家決定唔好慢慢逐個揀，一於叫咗個四人份嘅賀歲韓牛套餐。首先嚟嘅係各式前菜，有大豆芽菜、泡菜 等等，係好傳統嘅韓式用餐習慣。先嚟嘅係冷盤九節坂， 有冬菇絲、蟹子、牛肉、醃蘿蔔、青瓜絲、紅蘿蔔絲、 蛋絲、菠菜， 食嘅方法有啲似北京填鴨，用食物盤中間嘅皮，包起自己想食嘅餡料，可以 tailor made自己嘅前菜包， 非常有趣。餃子年糕湯，顧名思義入邊有齊餃子和年糕，餃子大隻，餡料豐富，年糕嘅造型相當特別，迷你可愛， 一對對咁， 莫非係想新年好事成雙？ 天氣凍嘅日子，飲咗呢個湯即刻暖身。賀年海鮮煎蔥餅煎得香口，但唔會好油膩，份量足夠四個人分享，海鮮分佈都叫平均，每一件都有一定數量。主角韓牛最終出場，牛形嘅木碟非常之震撼。 一共有 六款牛肉：韓牛肉眼粒、韓牛牛前胸、牛小排、牛舌、牛肩肉、牛五花同埋韓牛雞蛋燒。韓牛雞蛋燒加入蛋黃香味，令到牛肉特別滋味。 多款牛肉中，個人最喜愛牛舌，全因為牛舌是全牛中最多運動