想甜嚐甜 (Closed)

得閒就會嚟黃大仙呢間甜品食下～呢間糖水舖一眼望晒，門面好細，淨係坐到幾檯人，夜晚經過成日都見到坐滿人，今次難得唔使排隊，就入去食下。呢間糖水舖最特別就係「花之水滴」，好似啲水玄信餅，賣相好吸引。叫咗個「荔枝玫瑰。水滴配乳酪雪糕」，粒水滴係荔枝味，入面有花，好精緻，側邊啲伴碟都做得好細心，有餅碎、醬等等，撈埋去食都幾夾。配乳酪雪糕，味道隨機，每次都唔同，呢次係紫薯味，有紫薯甜味之餘又帶得出乳酪嘅味道。另外叫咗個楊枝甘露，味道都正路，同一般啲楊枝甘露差唔多，芒果夠甜。整體來說，間糖水舖好有獨特風格同多款式嘅甜品，一去黃大仙就會想食呢間。