金滿都越南餐廳 (Closed)

今日天氣都好悶熱，冇乜胃口食飯，想食啲有湯嘅粉麵 ，咁我同家姐兩個就走咗去食呢個越南粉，我呢就叫咗一個生熟牛肉湯檬，啲牛肉見到已經非常新鮮，食落非常軟熟，生個邊，見到啲肉汁不斷流出嚟，見到都唔想浪費，即刻放佢落口，吞咗落肚，仍然有很多濕潤的汁液在口腔內，跟住食熟牛，雖然佢係熟，但係煮得好嫩滑，火路啱啱好，輕輕一咬已經化開，唔需要有太多調味已經有濃濃的鮮甜牛肉味道，啲湯檬浸住啲牛肉上湯，美味無比，我家姐叫個個重犀利，火車頭湯檬，材料眾多，有生牛，熟牛，牛丸，牛柏葉 ，牛筋，整碗都滿滿的，生熟牛肉梗係好食唔使講 ，佢連牛丸處理得彈牙味濃，牛柏葉又爽又脆，牛筋又林膠質豐富，全部材料浸在呢個咁濃味嘅牛肉湯裏面，真係食到唔停得口，仲有佢將啲上湯浸製在時菜上，另一個普通嘅菜提升到另一個層次，最後我哋加配咗一個鹹柑桔蜜茶，一個青檸菜蜜，當我哋食完呢兩個味龍嘅湯檬，跟住飲咗呢個清甜蜜茶，簡直非常配對，最後我哋都食埋甜品係一個榴槤西米露，鍾意食榴槤嘅朋友唔可以錯過，榴槤嘅香西米嘅彈牙，甜味適中 ，食完我哋都覺得非常滿足。