Olive Cafe (Closed)

今個星期二, 屋企無飯開, 又唔想去太遠地方用餐, 攜眷去左屋企附近搵食.行到現祟山, 個商場好新, 而且又有好多食肆, 就入左去.正所謂近水樓台先得月, 門口已經有一間好有氣氛既西餐廳, 就入左去試.一睇個餐牌,好多野都想試,但我地兩老又食唔到好多, 所以只叫左三樣野: 煙三文魚凱撒沙律, 黑松露什菌天使麵同德國豬手.個沙律都係果幾樣野:生菜,三文魚,麵包粒同沙律醬.貌似普通但味道口感好唔一樣. 首先,d生菜上面無水珠殘留,睇得出準備時果份心機.第二, 食果時除左沙律醬既甜酸味,仲有少少咸味,使到成個沙律整體上唔單調.第三,煙三文魚唔會太咸,睇得出有落心機去採購.再離就到個德國豬手. 落單時可吩咐廚師幫你砌碎完再上碟. 呢個豬手最巴閉.食果時完全唔覺油膩,但又唔會太乾,肥瘦度適中,唔太咸, 配黑椒汁可令豬手肉更惹味.最後是天使麵. 個麵用什菌,露筍,再配黑松露炒香. 每一柱麵都有黑松露既香味,配合露筍一齊食口感更清新,而且唔膩,尼個菜係全晚最好食既,五星推介.呢個餐廳值得一試再試.