星怡

Open Now

Now Closed

朋友喺黃大仙附近住，佢介紹咗一間星馬泰餐廳星怡，呢日收工我就過去試下啦，餐廳裝修好有格調，牆身畫作是蔚藍嘅海底世界，射燈映照下小魚都栩栩如生， 彷彿真的一樣，餐廳除咗室內有卡位，仲有可以坐喺室外嘅桌椅。打開餐牌，餐廳菜式非常齊全，有海鮮、海南雞飯、肉骨茶、馬來西亞小食等等，感覺好似去咗星馬泰旅行一樣。 雞髀辣死你媽，椰漿飯大雞髀剛剛炸好！ 雞皮又香又辣，外皮粉漿非常薄，雞肉肉質鮮嫩多汁，配上染成紫色帶清香嘅椰漿飯 ，加上辣椒醬食起嚟好惹味，饭面仲鋪咗一隻太陽蛋。新加坡鮮蝦喇沙麵喇沙麵嘅湯底已經非常濃郁，加上新鮮嘅大蝦，豆卜，炸魚片同埋嘅爽滑麵條，既有咖哩辣味，又有淡淡蝦子椰奶等嘅香味， 食落口感層次超豐富。咸蛋黃炸魚皮魚皮新鮮炸起好鬆脆，撈埋香噴噴嘅鹹蛋黃醬，用嚟送酒一流。 我哋點咗班蘭水晶球作為甜品，飲品方面我哋嗌咗椰青同埋芒果椰汁沙冰，沙冰唔會太甜好新爽。店員態度好友善，有耐性咁介紹唔同嘅菜式，得閒我會同朋友再去一次㗎。