小方糖甜品 (新都城中心三期)

Open Now

Now Closed

師傅同小黃人飯後，由於都比較早，所以決定去食甜品。由於附近都比較多選擇，為免有錯，睇清睇楚先，最後揀左呢間食店。入到去唔多人，坐底就睇下有乜吸引，師傅就好想食雪糕，所以就揀左香蕉船，至於小黃人就揀左即撞木桶豆腐花熱食。老實講香蕉船賣相又冇乜特別，純粹想食雪糕，三隻唔同味滿足師傅嘅貪婪，所以都冇乜好講。反而即撞木桶豆腐花有驚喜，豆腐花又香又滑，黃糖自己隨意加，比想像中好，推介!總括黎講甜品都幾多選擇，環境舒服乾淨，價錢合理，最難得可以慢慢坐下，同小黃人傾下計，可能咁啱當日大雨，所以客人較少。師傅初嚐小方糖，感覺和印象都不錯，有機會都會再黎。