煲底海鮮火鍋料理 (Closed)

夏日炎炎絕非正好眠，而係食好正。烈日當空下，忽然沒由來地諗起魚生丼飯，微酸嘅赤醋飯加上新鮮嘅刺身，fit 晒summer brunch！嚟到煲底，no surprise裝潢風格係一片文宣與搶眼黃。餐廳本身係主打火鍋，不過lunch period就以刺身丼飯為主，selling point係自家製特式醬汁。同朋友為分咗 #三子極身丼 同 #紅白炙燒丼，食材全部係日本新鮮直送！嗰最滿意係兩款都有最愛嘅炙燒左口魚裙邊！三大片入口即溶，油香豐滿。紅白炙嘅心「紅」仲有三文魚同三文魚腩，兩者都油脂分怖均勻，輕灸後油香更甚。 至於三子就係有北海道帶子、三文魚子及玉子，魚生份量滿滿超級足料！配特色醬汁撈飯食一流！最後想一提佢個麵豉湯，黃豆麵豉香超突出，大概係用上味道濃郁嘅紅麵豉吧？有機會會想嚟一戰佢個晚市嘅海鮮邊爐，期待！