美樂小食

Open Now

Now Closed

💛💛💛美樂小食💛💛💛黃到黃之鋒係社交平台到出過post介紹只做外賣，最好自備餐具啦🥺。兩餸飯 $46我揀左煙鴨胸+鹹蛋+粉絲紹菜有成四五塊煙鴨胸，每塊都好完整好大塊，食落去少少咸好鬼香，用黎撈飯一流💗。完整半隻鹹蛋，無蒸過龍，所以食落去個鹹蛋黃好綿，直情有啲油流出黎😍。紹菜粉絲好食，雖然係兩餸飯，但個小菜都係好新鮮嘅。粉絲仲有啲咬口，絕對唔會話浸咗好耐之後淋晒😌。兩個餸都唔錯啵，好食又抵食！多口問咗句有冇啲飯盒可以擺到聽日嘅，老闆娘推介臘味飯，仲專登俾咗個可以擺落微波爐叮嘅兜我，我隔日叮左嚟食😽。糯米飯裏面有花生同栗子，食落又唔錯。如果大家都想食嘅話，下次可以問問老闆娘，價錢幾多就真係唔記得，我聽到臘味飯就狗衝左🥰。