小時光 (Closed)

小時光係一間台式食品嘅鋪頭，之前都食過，自助式要排隊買同拎，呢個價錢咁樣嘅服務都算可以啦，因為減緊肥，唔想食咁多澱粉質，所以我就淨係食佢啲小菜（其實小菜通常都係套餐走飯/面），叫咗個滷水拼盤，$60，有少少傷心嘅佢竟然停左牛腱好耐，但係冇改番餐牌，我覺得呢隻野都要同顧客交代返，食到最後尾先發覺冇，感覺唔太好，佢多番兩隻雞翼同一隻蛋，如果無牛腱，佢同s8（滷水拼盤加面）一樣的～唔知佢滷水成份係乜嘢，但係我覺得個蘿蔔有少少拿口怪味，海帶唔夠爽脆，其他食物例如蛋、豆乾就不過不失，所有嘢都唔會好鹹，味精味唔重，食落都舒服，不過熱度就可以再熱返少少，而家就係微暖，我覺得整體來講，食物質素就普通偏中下，但係黃店來講都會支持！建議大家食番佢其他套餐，應該會好食點！食左朋友香酥雞個個餐一啖，都係偏乾硬🙈上次食的鹽水雞都唔錯！