Video
Read full review
2023-07-08
19 views
宴 Dinner Special Set前菜有淮山素麵同黑梅貝，淮山切成一絲絲就好似素麵一樣，鵪鶉蛋同秋葵令口感再滑一啲，至於黑梅貝用咗豉油同辣椒去煮，少少嘅辣味令人胃口大開🌶北海道仙鳳趾蠔非常大，仲長過隻手掌， 蠔肉柔軟，上面嘅橘子啫喱同柚子皮加幾分清爽🦪深海池魚刺身一片捲著清新嘅芽蔥，一片加上濃味嘅柚子胡椒，食到兩種風味嘅配搭，另一款刺身係中拖羅🐟漬物拼盤有苦瓜、涼瓜、淮山、蘿蔔、青瓜、牛蒡🥢依款壽司一睇就見到唔同嘅層次，最高係香綿嘅吞拿魚腩，中間係燒右口魚邊身，底下係脆卜卜嘅鱈魚乾，食得豪邁🍣跟住到鐵板燒嘅部分，首先係煎得恰到好處嘅北海道帆立貝， 上面係好鮮味嘅三文魚籽，貝殼盛住嘅紫菜湯吸晒海鮮精華🐚沙巴虎蝦善用埋蝦頭膏去煮，師傅一邊煮一邊聞到香噴噴，蝦肉嘅烹調時間啱啱好，肉質爽口，配上蝦頭膏嘅鮮香非常好食，連蝦頭都燒得香脆，鍾意嘅話可以食埋🦐之後係香煎鵝肝拼藍莓醬，鵝肝嘅厚度十足，表面只係輕輕撲咗薄薄嘅粉去煎，一咬落去甘香嘅油脂迸發出嚟，相當回味，食完可以食兩粒黑豆清下口腔🔥美國牛柳有兩食，我地揀咗師傅建議嘅五成熟，牛柳粒肉質好柔軟，另一款係牛肉片捲住蔥花同蒜粒，味道相對惹味好
前菜有淮山素麵同黑梅貝，淮山切成一絲絲就好似素麵一樣，鵪鶉蛋同秋葵令口感再滑一啲，至於黑梅貝用咗豉油同辣椒去煮，少少嘅辣味令人胃口大開🌶
北海道仙鳳趾蠔非常大，仲長過隻手掌， 蠔肉柔軟，上面嘅橘子啫喱同柚子皮加幾分清爽🦪
深海池魚刺身一片捲著清新嘅芽蔥，一片加上濃味嘅柚子胡椒，食到兩種風味嘅配搭，另一款刺身係中拖羅🐟
漬物拼盤有苦瓜、涼瓜、淮山、蘿蔔、青瓜、牛蒡🥢
依款壽司一睇就見到唔同嘅層次，最高係香綿嘅吞拿魚腩，中間係燒右口魚邊身，底下係脆卜卜嘅鱈魚乾，食得豪邁🍣
跟住到鐵板燒嘅部分，首先係煎得恰到好處嘅北海道帆立貝， 上面係好鮮味嘅三文魚籽，貝殼盛住嘅紫菜湯吸晒海鮮精華🐚
沙巴虎蝦善用埋蝦頭膏去煮，師傅一邊煮一邊聞到香噴噴，蝦肉嘅烹調時間啱啱好，肉質爽口，配上蝦頭膏嘅鮮香非常好食，連蝦頭都燒得香脆，鍾意嘅話可以食埋🦐
之後係香煎鵝肝拼藍莓醬，鵝肝嘅厚度十足，表面只係輕輕撲咗薄薄嘅粉去煎，一咬落去甘香嘅油脂迸發出嚟，相當回味，食完可以食兩粒黑豆清下口腔🔥
美國牛柳有兩食，我地揀咗師傅建議嘅五成熟，牛柳粒肉質好柔軟，另一款係牛肉片捲住蔥花同蒜粒，味道相對惹味好多，各有特色🥩
黑松露蟹肉炒飯炒得乾爽唔油膩，飯粒粒粒分明，黑松露嘅香味令人一口接一口咁食🍚
炒雜菜🥬
甜品有蕨餅、宇治抹茶布甸，抹茶味香濃，仲有海鹽雪糕🍨
依度仲有一大亮點就係個景，可以見到冇遮擋嘅日落靚景～
Post
