東園酒家宴會廳 (Closed)

老公返新工，距離我返工的地方近咗，所以呢日佢來接我收工，然後去咗附近的酒樓食晚飯。每次來親東園，食客都唔少，而門口放置了月餅禮盒推銷。他又一邊飲可樂，一邊看菜單，然後點了幾道菜，仲話一定會讓我感覺特別。五果炒素雞雖然素雞的肉質跟真的雞肉唔算十分似，不過都係很嫩口彈牙，而且少咗好多油份。配埋爽口的瓜瓜，同埋脆口的腰果，食得格外健康。燒汁鮮淮山炒和牛爽炒牛肉非常濃味，而且肉質很鬆軟。最值得一讚一定係淮山，爽脆十足，增加不少咬口，令到整道菜生色不少。籠仔蒸黃油蟹焗飯 呢味菜無論在顏色同埋味道上，真係刺激到視覺、嗅覺和味覺。以荷葉鋪底，並以整隻黃油蟹鋪上面夾住飯來蒸，d 飯不但食落係滲出淡淡的荷葉香，而且撈埋個黃油真係滑到不得了，真係食完一碗接著又一碗。另外，蟹肉和蟹膏非常足料，一邊食一邊 d 油漏出來，食完仲會啜吓手指的味，連隔離行過的一班姐姐見到都話要點呢個呀~