凱泰船屋 (Closed)

疫情之下喺屋企煮野煮到都唔知食咩好喇！🤦🏻‍♀️ 男朋友喺開飯網搵到呢間小店話想試下，咁好啦！我同男朋友問老闆有咩好推介 ...老闆既熱情又有耐性嘅服務態度同我地介紹店舖入面嘅受歡迎之選 ...我地就揀左船麵同埋豬頸肉飯 ...估唔到有啲小驚喜 ...船麵個湯底濃而唔多味精，食完出奇地冇口渴嘅感覺，湯底比較真材實料，感覺有別於平時出面食泰菜舖頭嘅重口味 ...札肉魚片夠爽口，船麵軟身易入口，我比較推介！🤤😋👍🏻男朋友呢個飯桶就必定揀飯黎試，佢話豬頸肉薄身兼肉質夠晒嫩，唔似千年老豬咁鞋口，夠惹味！👍🏻黃油飯嘅配搭直頭想多飯，男朋友講話唔好意思再加飯，老闆聽到二話不說就加左比佢，服務的確唔錯！😃仲有嗰杯飲完想再飲嘅泰式奶茶，甜度適中，奶味濃，奶茶控嘅人絕對值得一試！👍🏻本諗住小店出品都唔會有咩意外驚喜 ...實惠之選絕對可以去試下 ...支持黃色經濟圈 ...得閒要去再 encore ! 🤤