上海廳 (Closed)

公司清假，無所事事事請左日星期三，約下舊同事食飯，黎左佢屋企樓下的上海廳，見新開好似好掂咁，加上食過其他分店都好食，一於食佢啦。呢張餐紙又幾靚喎，有啲懷舊feel坐低後侍應送上熱茶，之後refill都幾密，快快點了幾樣想食的，叫了好多澱粉質會唔會太飽呢？！黃金四季豆（$65）先黎四季豆，好多咸蛋黃好正呀，一上枱已經勁香，每條四季豆都黏滿咸蛋黃，咸香清爽，勁好味。四川雞柳炒年糕（$68）次次都係叫上海炒年糕，今次試下新口味先，四川雞柳好似好多辣椒咁喎，食落又唔係太辣，辣辣地幾過引，雞柳嫩滑，多汁包著年糕令佢無咁黏口，年糕軟身煙韌，加上惹味辣汁很對胃。黃金炒飯（$68）又係黃金因為太愛咸蛋黃了，雖然同四季豆個味重疊左，但食法是不一樣的，哈哈。同樣勁香口，粒粒米炒得啱啱好，不油膩不乾身，正。蔥油餅（$35）最後係蔥油餅，純粹是過過口引的，好耐無食啦，餅皮略厚不夠酥，蔥油餡料亦不夠多，有點失色了。總括食物都好好味，價錢又不貴，好飽好滿足呀