Video
Read full review
2019-09-20
81 views
香港人生活真係好忙碌 想快靚正食個飯 除左食茶餐廳 快餐店之外 就係食燒味 今日係灣仔附近做完野真係好肚餓 又唔想等位 路過見到黃金燒味 所以就入左去食 點知真係無揀錯我同男人都揀左<住家燉湯餐> 因為太忙所以都好耐無親自煲過湯 見到有燉湯當然要補一補 黎個餐除左燉湯 仲有雙併燒味飯 時蔬 同餐飲 份量仲好足燒肉併燒鵝套餐 $120乳豬併膿腩叉套餐 $113准山杞子螺頭燉雞湯(美味指數: 😋😋😋😋😋)個湯好足料 仲有好香好濃郁既螺頭鮮味 睇得出師父落足心機燉 而且係真材實料 無味精 除左螺頭之外仲有蟲華花 個湯濃郁得黎好清無肥油浮面一d都唔肥膩 好滋補乳豬(美味指數: 😋😋😋😋😋)我黎度既時候其實都已經好夜 所有燒味雖然係當日即燒 但相信都隔左好耐時間 但真係估唔到 無論係乳豬皮 燒鵝皮定燒肉皮都係好香脆 連骨都'算'到好香既乳豬味肥膿腩叉(美味指數: 😋😋😋😋)第一次見到黎個名 仲要係招牌菜 所以決定一於試下佢 原本係用五花腩燒成既叉燒 一層一層既肥肉好有層次 肥出黎個叉燒皮有微焦香好多蜜汁 但又唔會感覺肥膩燒鵝(美味指數: 😋😋😋😋😋)燒鵝皮脆有光澤 皮下脂肪唔會太
我同男人都揀左<住家燉湯餐> 因為太忙所以都好耐無親自煲過湯 見到有燉湯當然要補一補 黎個餐除左燉湯 仲有雙併燒味飯 時蔬 同餐飲 份量仲好足
燒肉併燒鵝套餐 $120
乳豬併膿腩叉套餐 $113
准山杞子螺頭燉雞湯
(美味指數: 😋😋😋😋😋)
個湯好足料 仲有好香好濃郁既螺頭鮮味 睇得出師父落足心機燉 而且係真材實料 無味精 除左螺頭之外仲有蟲華花 個湯濃郁得黎好清無肥油浮面一d都唔肥膩 好滋補
乳豬
(美味指數: 😋😋😋😋😋)
我黎度既時候其實都已經好夜 所有燒味雖然係當日即燒 但相信都隔左好耐時間 但真係估唔到 無論係乳豬皮 燒鵝皮定燒肉皮都係好香脆 連骨都'算'到好香既乳豬味
肥膿腩叉
(美味指數: 😋😋😋😋)
第一次見到黎個名 仲要係招牌菜 所以決定一於試下佢 原本係用五花腩燒成既叉燒 一層一層既肥肉好有層次 肥出黎個叉燒皮有微焦香好多蜜汁 但又唔會感覺肥膩
燒鵝
(美味指數: 😋😋😋😋😋)
燒鵝皮脆有光澤 皮下脂肪唔會太多 食到岩岩好既油脂香 而且啖啖肉 肉質仲好嫩滑
燒肉
(美味指數: 😋😋😋😋😋)
厚切燒肉 外皮夠脆卜卜 肥瘦比例均勻 咬落有豬肉香有嚼勁
骨湯浸時蔬
(美味指數: 😋😋😋😋😋)
好驚喜 但我以為係普通既淥菜既時候 一入口食到好重既當歸味 再睇清楚個餸名先知原本係用骨湯浸既 難怪入口好濃湯味特別好味
涼拌青瓜 (店家贈送)
(美味指數: 😋😋😋😋)
店定真係好nice 贈送左前菜 同老火湯 但我嗌左燉湯 所以老火湯就無要到 青瓜好重麻油香味 好爽脆 甜甜酸酸好香胃
(5分為最高)
整體食物質素:
性價比:
推薦指數:
Post
