彩興來來火鍋 (Closed)

黃金雞湯今晚肥妹仔去咗將軍澳 到打邊爐食雞煲。去呢個雞煲有少少唔同，並唔係我哋平時嗰一種已經醃好曬，煮埋就送上枱嗰一種， 而係會將原隻嘅雞件同埋其他材料好似花膠，冬蟲草，淮山等等放上枱，然後即場喺你眼前爆香佢，再加上佢哋特製嘅湯膽煮滾先食，真係係爆香嘅時候流曬口水。雞件好嫩滑，花膠好淋，個湯係最不得了，因為真係好鮮甜，肥妹仔我哋係飲曬成碗湯再加湯去打邊爐。鵝腸打邊爐必要嘅火鍋配料，佢嘅鵝腸好新鮮，而且有少少肥膏黐住喺鵝腸，食落好香油脂味。芝士獅子狗唔算太特別，但係獅子狗入面包住芝士，食落去都唔錯。安格斯牛肉呢個牛肉牛味都幾濃，切到薄薄一片，輕輕灼幾秒已經食得，正。特色四寶丸呢一碟拼盤有四款唔同口味，包括蝦丸入面包住芥末醬 ，墨魚丸入麵包住柚子醬，牛丸入面有芝心同埋豬肉入面有冬菇， 各有特色，非常好食，鍾意試新口味嘅朋友一定要試。芝士炸響鈴呢一個芝士炸響鈴係世界級好食。貼心嘅店員會提醒你哋一定要趁熱食，因為係新鮮炸起。唔點湯就咁食都已經好好食，點埋湯給埋佢嘅湯底，佢嘅芝士咬落去變咗流心，真係好香豆香味同芝士味。魚腩鯇魚片食得出非常新鮮好食，魚肉嫩滑，好香魚味。肉質結實，絕對唔係冰鮮貨色，