Video
Read full review
2022-11-11
5962 views
秋風起，除咗三蛇肥之外，亦都係食大閘蟹的季節。早排睇咗網上介紹呢間餐廳，喺_ _ day有買二送一優惠，好似好吸引，點知上到去睇已售罄😱。於是只能退而求其次，買咗75折的優惠，連埋加一，每位淨$619。我哋期待咗好耐，終於等到用餐呢一日。我哋6點20分去到，排咗陣隊，就被安排坐喺蟹山旁邊張枱。用餐區樓底太矮，成件事感覺超侷促，而且張枱又好細張，放唔到幾隻碟，搞到非常狼狽😅。講返呢次用餐體驗，話明係蟹宴，就一定有好多蟹可以食。一開波見到好多人湧埋去蟹山度攞到盤滿砵滿咁，我都唔敢出去搶。等到差唔多第三輪先出去攞😋。見到職員源源不絕地添加，何須太心急呢！大閘蟹每位一隻，另外附送鴨肝蟹黃米通一份。熟食方面選擇就唔算十分多，可能大家都專攻蟹。最記得有菠菜焗蠔，每位三隻。另外仲有咖喱炒蟹😳。燒味有燒腩仔和乳豬🐖，不過乳豬要排隊，很快就冇得攞了。肉類就有燒牛肉🐂和羊架🐐，質感唔算太嫩滑，一般般。刺身有三文魚🦈、吞拿魚🐋、鯛魚🐟、原粒帆立貝和八爪魚🐙。甜品選擇亦唔算多，不過就有豆腐花和哈根大師🍨。海鮮就有小龍蝦🦞、熟🦐、翡翠螺、青口和蜆等。冇生蠔和龍蝦🙄。整體嚟講算係咁啦(＾∇＾)ﾉ♪😲p
早排睇咗網上介紹呢間餐廳，喺_ _ day有買二送一優惠，好似好吸引，點知上到去睇已售罄😱。於是只能退而求其次，買咗75折的優惠，連埋加一，每位淨$619。
我哋期待咗好耐，終於等到用餐呢一日。我哋6點20分去到，排咗陣隊，就被安排坐喺蟹山旁邊張枱。用餐區樓底太矮，成件事感覺超侷促，而且張枱又好細張，放唔到幾隻碟，搞到非常狼狽😅。
講返呢次用餐體驗，話明係蟹宴，就一定有好多蟹可以食。一開波見到好多人湧埋去蟹山度攞到盤滿砵滿咁，我都唔敢出去搶。等到差唔多第三輪先出去攞😋。見到職員源源不絕地添加，何須太心急呢！
大閘蟹每位一隻，另外附送鴨肝蟹黃米通一份。
熟食方面選擇就唔算十分多，可能大家都專攻蟹。最記得有菠菜焗蠔，每位三隻。另外仲有咖喱炒蟹😳。
燒味有燒腩仔和乳豬🐖，不過乳豬要排隊，很快就冇得攞了。
肉類就有燒牛肉🐂和羊架🐐，質感唔算太嫩滑，一般般。
刺身有三文魚🦈、吞拿魚🐋、鯛魚🐟、原粒帆立貝和八爪魚🐙。
甜品選擇亦唔算多，不過就有豆腐花和哈根大師🍨。
海鮮就有小龍蝦🦞、熟🦐、翡翠螺、青口和蜆等。冇生蠔和龍蝦🙄。
整體嚟講算係咁啦(＾∇＾)ﾉ♪😲
ps. 最開心第一次食自助餐有薑茶供應，飲到個肚仔暖粒粒，好舒服♪ \(^ω^\ )
期待下一次再戰更高質嘅自助餐🥳
Post
